Үрүҥ көмүс волонтердар бэстибээллэрэ “Сүрэхпит тэбэрин тухары, эдэрдии эрчимнээх буолуоҕуҥ!”

Саха АССР тэриллибитэ 100 сылын бэлиэтиир тэрээһиннэр чэрчилэринэн “Кыайыы” социальнай көмүскэл ресурснай киинэ уонна СӨ «Бэтэрээн» Ассоциацията кулун тутар 28-29 күннэригэр Дьокуускай куоракка актыыбынай, ис сүрэхтэриттэн дьон туһугар, төрөөбүт дойдуларыгар кыһаллар, амарах санаалаах аҕам саастаах ытык дьоннорбутугар аналлаах «Үрүҥ көмүс волонтер» диэн аан маҥнай ыытыллар бэстэбээли үрдүк таһымнаахтык тэрийэн ыыттылар.

Өрөспүүбүлүкэбит 10 араас улууһуттан 143 сүрэхтэрин баҕатынан дьоҥҥо-сэргэҕэ көмөлөһөөччүлэр көрүстүлэр. Бу тэрээһинуратыта диэн – бары 55 саастарын ааспыт Далбар Хотуттар, Эр Бэртэрэ кытыннылар.

Бүлүү улууһуттан Өрөспүүбүлүкэтээҕи “Утум” тэрилтэ Бүлүүтээҕи салаатын 8 аҕам саастаах Далбар Хотуттарабаран кыттан кэллибит.

Бастакы күммүт

Курашова уулусса 24 баар общественнай кииҥҥэ сарсыарда 10 чаастан аактабай саалаҕа РФ стратегическэй инициативаларын Агентствотын уопсастыбаннай бэрэстэбиитэлэ Ида Белых араас хайысхалаах үлэтин сырдатта. “Активнай пенсионердар Ассоциацияларыттан” Оксана Костромина кэпсээтэ. Салгыы дойду тэбэр сүрэҕиттэн МоскваттанВалерия Хлынова видео эҕэрдэтин быһа эфиргэ көрдүбүт, кини “Активнай пенсионердар Ассоциацияларын”Россия уһун үйэлэниитэ бырайыагаханнык хайысхаларынан үлэлиирин кэпсээтэ.

Бу кэнниттэн психологическай тренинг аастыбыт, туспа бөлөхтөрүнэн арахсан араас сорудахтары толордубут. Фестиваль кыттыылаахтара ордук геометрическэй фигураларынан тест толорууну сэҥээрдибит.

Эбиэт кэннэ Өксөкүлээх Өлөксөй аатынан доҕордоһуу дьиэтигэр аҕам саастаах дьон айар-тутар үлэлэрин быыстапката тэрилиннэ. Биһиги Далбар Хотуттарбыт Валентина Захарова кылынан оҥоһуктарын сэлээппэлэри, дэйбиирдэри, сапсыыкалары, илин-кэлин кэбиһэрдэри, Екатерина Алексеева, Наталья Еремисова, Мария Томская оҕуруонан тиспит араас киэргэллэрин, илин-кэлин кэбиһэрдэри, бастыҥалары, сумочкалары, маллаах иһиттэри, Парасковья Афанасьева бэйэтэ тикпит сахалыы соннорун, былааччыйаларын, Клавдия Иванова баайыы таҥастарын, Лидия Иннокентьева сымыыт хаҕынан оҥорбутхартыынатын уонна Саха сирин норуотун маастара Сусанна Семенова хаттык таҥастары, кыбытык тигиинэн оҥорбут ат толорусимэҕин, туруордулар.Быыстапкаҕа оҥорон аҕалбыт малбытын-салбытын, уустаан ураннаах киэргэппит оҥоһуктарбытын атын кыттааччылар, көрөөччүлэр олус сэҥээрдилэр.

Салгыы фестиваль Өксөкүлээх Өлөксөй аатынан доҕордоһуу дьиэтигэр үөрүүлээх-быһыыга-майгыга арылынна.

Мустубут дьону Ил Түмэн доруобуйа харыстабылыгар, социальнай харысхалга, үлэҕэ уонна дьарыктаах буолууга сис кэмитиэт бэрэссэдээтэлэ Владимир Чичигинаров эҕэрдэлээтэ. Кини аҕам саастаахтар Сахабыт сирэ сайдыытыгар улахан кылааттарын киллэрэллэрин бэлиэтээтэ.Бэстэбээл сөптөөх уонна туһалаах тэрээһин буоларын эттэ. Ол курдук бэтэрээннэр араас кулууптары, тэрээһиннэри тэрийэллэр, семинардары, куонкурустары ыытан көхтөөхтүк кытталлар. Үүнэн эрэр көлүөнэҕэ тус холобурдарынан, үлэлэринэн-хамнастарынан төрөөбүт дойдуга тапталы иҥэрэллэрин бэлиэтээтэ. Эрэгийиэн үлэҕэ уоннна социальнай сайдыыга миниистирин солбуйааччы Афанасий Постников уопсастыбанньыктарга икки сыл пандемия кэмигэр санааларын түһэрбэккэ, куруук көмө-тирэх буолбуттарыгар махтанна. Бу дьаҥ кырдьык саастах эрэ дьоҥҥо буолбакка, барыбытыгар даҕаны саҥа технологиялары баһылыырга кыах биэрбитэ билигин саарбахтаммат. Элбэх тэрээһиннэр куйаар ситиминэн, мунньахтар ZOOM платформатыгар барар буоллулар. Маныаха аҕам саастаах дьоммут туора турбакка, аныгы кэми кытары тэҥҥэ хаамаллара хайҕаллааҕын бэлиэтээтэ. Бэтэрээннэр уопсастыбаннай тэрилтэлэрин бэрэссэдээтэлэ Вильям Иванов бэтэрээннэр бэйэлэрин оҕолоругар, сиэннэригэр, хос сиэннэригэр холобур буолалларын эттэ. «Бүгүҥҥү күҥҥэ өрөспүүбүлүкэбитигэр 30-ча Аҕа дойду сэриитин бэтэрээнэ хаалла. Мэдисиинэ, уопсастыбаннай тэрилтэлэр өттүлэриттэн кинилэргэ күүстээх болҕомто ууруллар. Билигин көлүөнэлэр солбуйсуулара буола турар кэмэ. Көлүөнэни уларытан саҥа кэм дьоруойдара тахсан эрэллэр. Кинилэр эмиэ байыаннай дьайыылар кыттыылаахтара. Соторутааҕыта биллэриллибитинэн Украинаҕа анал операция кыттыылаахтарыгар байыаннай дьайыылар бэтэрээннэрин статустара иҥэриллэр. Кинилэр дойдуларын көмүскээн, конституциянан мэктиэлэммит иэстэрин толорон маннык быһыыга-майгыга түбэспиттэрин өйдүөх тустаахпыт», — диэтэ Вильям Иванов. Маны тэҥэ мустубут бэтэрээннэри волонтердары кытары үлэлиир киин дириэктэрэ Айыллаан Винокуров эҕэрдэлээтэ.

Иккис күммүт

Иккис күнүгэр Төгүрүк остуол тула олорон Саха сиригэр үрүҥ көмүс волонтердар хамсааһыннарын өйүүр сыаллаах, сайдар хайысхаларыгар туһуламмыт киэҥ кэпсэтии таҕыста. Төгүрүк остуолга СӨ Үлэ уонна социальнай сайдыы министрин бастакы солбуйааччыта И.И. Алексеев, СӨ волонтердары кытары үлэлиир киин дириэктэрэ Айыллаан Винокуров, өрөспүүбүлүкэтээҕи бэтэрээннэр Сэбиэттэрин бэрэссэдээтэлэ В.О.Иванов, Москва куораттан “Молоды душой” федеральнай бырагыраама салайааччыта Ю.С. Мальцева эҕэрдэлээтилэр, улуустан кэлбит делегаттар салайааччылара бэйэлэрин үлэлэрин презентациянан көрдөрөн кэпсээтилэр.

Төгүрүк остуол кэнниттэн активнайдык үлэлээбит волонтердары наҕараадалааһын буолла.

СӨ Үлэ уонна социальнай сайдыы министрин бастакы солбуйааччы И.И. Алексеев делегация салайааччытыгар, өрөспүүбүлүкэтээҕи“Утум уопсастыбаннай тэрилтэ Бүлүүтээҕи салаатын дириэктэригэр, Бүлүү улууһун уопсастыбаннай түмсүүлэрин салайааччытыгар Мария Петровна Томскаяҕа “Саха сирин доброволеһа” түөскэ кэтиллэр бэлиэни үөрүүлээх быһыыга-майгыга туттарда.“Кыайыы” социальнай көмүскэл ресурснай киин директора Галина Николаевна Лебедева“Алаһа” түмсүү салайааччытыгар Екатерина Герасимовна Алексееваҕа (Бүлүү к.) уонна “Күбэйэ” түмсүү салайааччытыгар Парасковья Дмитриевна Афанасьеваҕа (Үгүлээт) махтал суруктары, сыаналаах бэлэхтэритуттарда.

Элбэх улуустар кыттанбиһиги элбэххэ үөрэннибит, биллибит уонна уопут атастастыбыт.Бастакы күнүгэрулууспутугар Сахабыт сирин тэриллибитэ 100 сылын туолар сылыгар ханнык улахан тэрээһиннэр ыытыллаары сылдьалларын туһунан билиһиннэриигэ хаартысканан видео презентациялаахсыанаҕа тахсаммытбилиһиннэрдибит, ”Добрые сердца” диэн ааппытын, « Нам года – не беда, будем молоды всегда!» девизпитын эттибит уонна түмүккэ ырыанан эҕэрдэлээтибит. Быыстапкаҕа оҥорон аҕалбыт малбытын-салбытын, уустаан ураннаан киэргэппит оҥоһуктарбытын атын кыттааччылар, көрөөччүлэр олус сэҥээрдилэр, атыылыһа да сатааччылар элбэхтэр этэ. Икки күн отой биллибэккэ ааста.

Сахабыт сирэ 100 сааһын туолар сылыгар бу фестиваль аҕам саастаахтарга, бэтэрээннэргэ, актыбыыстарга бэртээхэй бэлэх буолла. Бу улахан тэрээһиҥҥэ кэлэн кыттарбытыгар улууспут салалтатыгаркэлэр-барар көлөбүтүн, биир тэҥ таҥас тиктэрбитигэр көмөтүн, улахан суолталаах тэрээһини тэрийбит тэрийээччилэргэ, өрөспүүбүлүкэ араас улуустарыттан фестивальгакытта кэлэр делегацияларыкытары үлэлэспит биир дойдулаахпытыгар Ксения Иннокентьевна Белолюбскаяҕа,Наталья Ксенофонтовна Васильеваҕа уонна бары кыттааччыларга түгэнинэн туһанан улахан махталбытын тиэрдэбит.

Мария Томская,

Өрөспүүбүлүкэтээҕи“Утум уопсастыбаннай тэрилтэ

Бүлүүтээҕи салаатын дириэктэрэ

Бүлүү улууһун уопсастыбаннай түмсүүлэрин салайааччыта.