Алтынньы ый 1-4 күннэригэр Ростов на Дону куоракка ыытыллыбыт VI Бүтүн Арассыыйатааҕы форумҥа Саха сириттэн 9 киһи кытынна. Кыргыттарбыт Семенова Ксения Максимовна, Павлова Наталья Ионовна, Текеянова Жоржетта Ивановна VI Бүтүн Арассыыйатааҕы форумҥа маастар-кылаас ыытан, үгүс дьон биһирэбилин ыллылар. Иванова Людмила Васильевна кэрэ куолаһынан биэс араас омук тылынан "Катюшаны" ыллаан, дьон кутун тутта. Бары биир санааннан, "Библиотека счастья", спецоперацияҕа барбыт буойуттарга, тулаайах оҕолорго көмө оҥорон, аһымал аахсыйаларга барытыгар кыттан, тээрийээччилэр улахан биһирэбиллэрин ыллыбыт, Арассыыйа араас муннуктарыттан кэлэ сылдьар форум кыттыылаахтарыттан үгүс үтүө тыллары, иһирэх махталлары иһиттибит. Павлова Изабелла Леонидовна салайааччылааах Саха сирин "Дууһабытынан эдэрбит" киин "үрүҥ көмүс" волонтердара олус түмсүүлээхпитин сэргээтилэр, көхтөөхпүтүн, сөҕө-махтайа, тоһоҕолоон бэлиэтээтилэр. Бу форумҥа Арассыыйа 22 араас эрэгийиэннэриттэн кэлэн, маастар кылаастарга, секционнай хайысхалаах ырытыһыыларга кыттан, хардарыта санаа атастаһан, элбэх дьону билсэн, билиибит-көрүүбүт кэҥээтэ, инникитин өссө ыкса сибээстээх үлэлииргэ сыал-сорук туруорунан тарҕастыбыт.

Руководитель РОО "Эйгэ" РС(Я) Валентина Васильевна Васильева