Ньукуола күнүгэр Сунтаар социальнай харалтатын үлэһиттэрэ Сунтаар нэһилиэгэр дьиэҕэ көруллэр кырдьаҕастарын самаан сайыны көрсө айылҕаҕа таһааран сынньаттыбыт. Тэрилтэбит саҥа салайааччыта Тимофеев Михаил Федорович бэйэтин билиһиннэрдэ,кырдьаҕастарын кытары алтыста.Кырдьаҕастар эдэр салайааччыга сүбэлэрин, алгыстарын тиэртилэр. Бу күннээх күн айылҕабыт кэҕэ этэринэн, ньургуһуннаах кырдаллар бэйэлэрин кэрэлэринэн көрүстүлэр.Наҕылыччы олорон салабаартан итии, үүттээх чэй иһилиннэ, кус этинэн, арыылаах алаадьыннан, уохтаах кымыһынан остуол тардан үлэһит кыргыттар күндүлээтилэр. Остуол тула олорон элбэх таабырын таайылынна, ирэ-хоро кэпсэттилэр, үтүө тыллары тиэртилэр. Араас онньуу оонньонно, сыал ытан үөрүүлэрэ үрдээтэ. Кыайыылаахтарга араас бириис туттарылынна, уолаттар байанайдарыттан бэристилэр. Бүтэһигэр хаартыскаҕа түһүү, э5эрдэ ырыаннан түмүктэннэ. Эһиил баччаларга мустуох буолан тарҕастылар.