Сахалартан бастакы Советскай Союз геройа Фёдор Кузьмич Попов 100 сааһыгар аналлаах десант

Хаҥалас улууһун "Сардаҥа" түмсүүтэ (салайааччы Осипова Ульяна Юрьевна) хаалыктаах хааман Кыайыы 76сылыгар, Сахалартан бастакы Советскай Союз геройа Фёдор Кузьмич Попов 100 сааһыгар аналлаах десант.

Отзывтар:

"Эйгэ" республикатааҕы общественнай түмсүүгэ киирэн былааннаахтык, айымньылаахтык үлэлии сылдьар Өктөмнөөҕү "Сардаҥа" түмсүүнү кытта уочараттаах көрсүһүүбүт от ыйын 12 күнүгэр трассабыт ортотугар Кыһыл Сулуска утарыта хааман кэлэммит көрүстүбүт. Кыайыы 76 сылынан Советскай Союз Геройа Ф.К.Попов 100 сылыгар аналлаах десант кыттыылаахтарын кытта көрсүһүүгэ Герой олоҕун, хорсун быһыытын туһунан иһирэх ахтыыны салайааччы У.Ю. Осипова кэпсээтэ, онно даҕатан Өктөм сиригэр турар историческай пааматынньык Кыайыы сэргэтин туһунан сиһилии билиһиннэрдэ. Бииргэ хааман, билсиһэн, түмсүүлэрбит туһунан элбэҕи биллибит, үгүскэ үөрэннибит, саҥа көрүүлэр, салгыы сайдыы суолларын көрдөнөргө олук уурда бүгүҥҥү тэрээһин. "Сардаҥа" түмсүү тэриллиитэ биир санааҕа киирэн тэҥҥэ сайдарга, доруобуйаны бөҕөргөтөргө, ис кыахтары арыйан талааны сайыннарарга туһуламмыта хайҕаллах, ити инниттэн бастаан бары Байдам уонна Сыдьаайа духовнай үөрэхтэрин ааспыттара олус туһалаах уонна наадалаах, ити түгэн үгүс общественнай түмсүүлэргэ үтүө холобур буолар. Махталы,убаастабылы, билиниини кытта "Сканди" түмсүү салайааччыта Афанасьева Клавдия Алексеевна, Төхтүр".

"Үчүгэй көссүһүү буолан ааста, көрсүспэтэх да ырааппыт курдук. УльянаЮрьевна уонна кинини өйүүр түмсүүтэ бары биир сүбэнэн сылдьаллара көрөргө олус үчүгэй, кэлэн сэһэргэһэн барбыттарыгар махталбытын тиэрдэбин. Өссө да инник сылааскөрсүһүүлэр буола турдуннар, самаан сайын, Бөтүрүөп күнүн уруйдаан, оһуокайдаан ылбыппытыгар Варвара Николаевнаҕа Махтал" - Наталья Афанасьевна Наумова "Дьүөгэ" эбээлэр түмсүүлэрин салайааччыта